Samarbeidsavtalar

Avtale om BTI - Betre Tverrfagleg Innsats

Solund kommune har signert samarbeidsavtale med Korus (Kompetansesenter rus Bergen), RKBU vest (Regionalt kunnskapssenter for barn og unge) og Ressurssenter om vald, traumatisk stress og sjølvmordsførebygging (RVTS vest) om samarbeid kring BTI. Gjennom BTI-avtalen forpliktar Solund kommune seg til å organisere BTI-arbeidet i kommunen med prosjektleiar og arbeidsgrupper og å forankre BTI-arbeidet på alle nivå og i alle aktuelle tenester i kommunen.

KORUS, RKBU og RVTS har ansvaret for å drifte nettverket av BTI-kommunar i Vestland og å følgje opp desse kommunane.

Ytre Sogn og -Sunnfjord PPT

Solund kommune deltek i det interkommunale samarbeidet Ytre Sogn og -Sunnfjord PPT. I samarbeidet deltek Solund, Askvoll, Hyllestad, Høyanger og Fjaler kommunar, og det er er Fjaler som er vertskommune og eig PP-tenesta. Samarbeidet har faste fagrådsmøte, som du kan lese meir om her.

Føremålet med samarbeidet er å oppfylle krava til pedagogisk-psykologisk teneste som ein finn i opplæringslova og barnehagelova.

HAFS Barnevern

HAFS barnevern er det interkommunale barnevernssamarbeidet mellom Hyllestad, Askvoll, Fjaler og Solund. Fjaler er vertskommune og driftar tenesta. HAFS barnevern løyser oppgåvene sine etter barnevernslova.

HAFS barnevern deltek i samarbeidet om interkommunal barnevernsvakt, saman med barnevernet i Sunnfjord, Kinn og Bremanger. Vaktordninga sikrar at barn og familiar som treng hjelp kan få det utanfor vanleg kontortid. Alle deltakarane i samarbeidet veksler på å ha personar på vakt gjennom heile året.

Interkommunalt krisesentertilbod

Solund kommune deltek i eit interkommunalt samarbeid om krisesentertilbod. Krisesenteret er lokalisert i Florø, og det er Kinn som er vertskommune for samarbeidet. I alt 17 kommunar i gamle Sogn og Fjordane deltek i samarbeidet. Sjølve krisesenteret er drive av Stiftinga Krisesenteret i Sogn og Fjordane. Samarbeidet skal bidra til å oppfylle kommunen sitt ansvar ovanfor innbyggjarane i høve krisesentertenester.

Samarbeidsavtalar mellom tenester i Solund kommune

Samarbeidsavtale mellom oppvekst og kommunepsykolog

Avtalen skal sikre eit godt samarbeid mellom kommunepsykologtenesta og barnehage/skule. Avtalen inneber  mellom anna at kommunepsykolog kan gje kompetanseheving til tilsette, drøfte pedagogiske opplegg kring psykisk helse og også bidra i undervisning i skulen eller samlingsstunder i barnehagen når temaet er psykisk helse. Kommunepsykologen skal også delta i rettleiingsteamet i kommunen.

Samarbeidsavtale mellom kommunepsykolog og helsestasjon, skulehelsetenesta og helsestasjon for ungdom

Samarbeidsavtalen skal legge grunnlaget for eit godt samarbeid mellom tenestene. Gjennom denne avtalen kan kommunepsykologtenesta gje kompetanseheving til helsestasjon-/skulehelsetenesta om tema innanfor psykisk helse og tenestene kan samarbeid om undervisningsopplegg i barnehage/skule. Avtalen medfører også at kommunepsykologen kan gje rettleiing til helsestasjon-/skulehelsetenesta  i enkeltsaker knytt til barn og familiar dersom dei har gjeve samtykke, og i systemsaker.

Samarbeidsavtale mellom Nav Solund og psykisk helse og rustenesta i Solund kommune

Denne avtalen er etablert for å utvikle og koordinere samhandlinga mellom dei to tenestene. Målet er å leggje til rette for å ivareta brukarane av tenestene på best mogleg måte. Tenestene skal mellom anna informere brukarane om kvarandre sine tilbod og hjelpe brukarane med å kome i kontakte med den andre tenesta. Nav Solund og psykisk helse og rus har faste samarbeidsmøte.